На канферэнцыі распрацоўнікаў WWDC кампанія Apple прадставіла сваю новую аперацыйную сістэму – Mac OS X 10.6 Snow Leopard. Вынахад сістэмы запланаваны на верасень. Яна хутчэй папярэдняй версіі, а 90 адсоткаў кампанентаў Leopard былі напісаныя зноўку.
Па словах распрацоўнікаў, усталёўка аперацыйнай сістэмы будзе праходзіць хутчэй на 45 адсоткаў і дазволіць вызваліць шэсць гігабайт месца на цвёрдай кружэлцы.
Snow Leopard падтрымлівае стандарт OpenCL, які дазваляе выкарыстаць вылічальную магутнасць шмат'ядравых сістэм, у тым ліку і графічных паскаральнікаў, для звычайных вылічэнняў.
Snow Leopard атрымала абноўленую мультимедйиную платформу QuickTime X, у якой з'явілася магчымасць рэдагаваць відэакліпы і распаўсюджваць іх праз YouTube, MobileMe або iTunes. Акрамя таго, у Snow Leopard была дададзеная магчымасць распазнання почырку з трекпада.
Таксама была прадстаўленая фінальная версія браўзэра Safari 4. Па словах прадстаўнікоў Apple, ён будзе працаваць у сем разоў хутчэй, чым Internet Explorer 8 кампаніі Microsoft, а таксама браўзэраў Firefox 3 і Chrome 2. Акрамя таго, ён цалкам праходзіць тэст на падтрымку апошніх вэб-стандартаў Acid3.
Для ўладальнікаў Leopard новая аперацыйная сістэма Apple будзе каштаваць 29 даляраў. 
Фота з сайта Apple
Apple прадставіла Mac OS X 10.6 Snow Leopard
9 чэрвеня 2009
Каментароў (0)