Кампанія Apple падчас праходзілай у Сан-Францыска канферэнцыі для распрацоўнікаў WWDC 2008 падзялілася інфармацыяй аб наступнай версіі сваёй аперацыйнай сістэмы, вядомай пад кодавым назовам Mac OS X Snow Leopard (снежны барс).
Асноўны ўпор пры стварэнні Mac OS X Snow Leopard будзе зроблены на падвышэнне прадукцыйнасці і стабільнасці працы праграмнай платформы, тады як даданне новых функцый не з'яўляецца прыярытэтнай задачай. Па словах віцэ-прэзідэнта Apple Бертранда Серлета, за апошнія сем гадоў кампанія дадала ў Mac OS X больш тысячы новых функцый, і аперацыйная сістэма Snow Leopard створыць базу для ўкаранення тысяч іншых магчымасцяў.
Адным з найболей істотных новаўвядзенняў у Mac OS X Snow Leopard стане сістэма Grand Central, якая дапаможа распрацоўнікам задзейнічаць патэнцыял сучасных шмат'ядравых працэсараў. Акрамя таго, новая АС дазволіць больш эфектыўна выкарыстаць вылічальныя рэсурсы графічных кантролераў, а тэарэтычны аб'ём аператыўнай памяці будзе дасягаць 16 тэрабайт.
Кампанія Apple таксама адзначыла, што ў склад Mac OS X Snow Leopard увойдзе новая мультымедыйная платформа QuickTime X, якая характарызуецца пашыранай падтрымкай фарматаў файлаў. У браўзэр Safari плануецца ўлучыць палепшаны рухавічок JavaScript, які, як сцвярджаецца, забяспечыць больш за 50-адсоткавы прырост прадукцыйнасці. Плюс да гэтага ў прыкладаннях Mail, iCal і Address Book з'явіцца падтрымка сервераў Microsoft Exchange 2007.
Фінальная версія праграмнай платформы Mac OS X Snow Leopard, як чакаецца, убачыць святло на працягу гады.
Apple паказала распрацоўнікам наступную версію Mac OS X
10 чэрвеня 2008
Каментароў (0)