Пошукавік Google распрацаваў трэцюю бэта-версію браўзэра Chrome, паведамляе Computerworld. Дату вынахаду новай версіі Chrome распрацоўнікі не ўдакладнілі, але падкрэслілі, што яна з'явіцца хуткім часам.

Трэцяя бэта-версія Chrome з парадкавым нумарам 0.3.154.9 выправіць раней выяўленыя ў браўзэры памылкі. Таксама была палепшаная сістэма бяспекі браўзэра. Напрыклад, у Chrome 0.3.154.9 удасканаленая сістэма блакавання ўсплывальных вокнаў.

Таксама ў новай версіі Chrome палепшаная праца з Flash, QuickTime і Silverlight. Акрамя таго, у Chrome 0.3.154.9 абнавілі сістэму праверкі арфаграфіі і заблакавалі функцыю аўтаматычнай запампоўкі і запуску выкананых файлаў.

Бэта-версія браўзэра Google Chrome была выпушчаная другога верасня бягучага года. Тыдзень праз Google прадставіў новую версію Chrome, у якой былі ўхіленыя знойдзеныя ўразлівасці. Па дадзеных кампаніі Net Applications, за месяц Google Chrome заняў адзін адсотак рынка браўзэраў.

рэкамендуем прачытаць таксама

• Chrome 430 ULP, Chrome 435 ULP, Chrome 440 ULP – мабільныя відэаадптары ад S3 Graphics
• Апублікаваны зыходны код аперацыйнай сістэмы Chrome OS
• Google запусціць краму прыкладанняў для Chrome і Chrome OS
• Google Chrome заняў 2% рынка браўзэраў
• Google выпусціла Chrome 7

Каментаванне не дазволенае.