Кампанія вэб-аналітыкі GetClicky сёння, 3 верасня, паведаміла, што новы браўзэр Google Chrome адразу жа пасля запуску заняў каля 2% рынка вэб-браўзэраў.
GetClicky адсочвае інтэрнэт-трафік да больш за 45 тыс. сайтаў. Па словах аналітыкаў, у наступныя дні дзель Chrome можа зваліцца, бо шматлікія карыстачы вернуцца да сваіх старых браўзэраў, паспрабаваўшы тэставую версію праграмы ад Google. Істотна вырасце дзель Chrome пасля рэлізу поўнай версіі.
Нагадаем, што бэта-версія Google Chrome стала даступная для запампоўкі ўсім карыстачам учора, 2 верасня.