Google учора, 7 жніўня, абвясціў аб планах па інтэграцыі тэхналогій кампаніі анлайн-рэкламы DoubleClick, купля якой была завершаная 11 сакавіка 2008 г., у свае сэрвісы.
Зараз рэкламадаўцы змогуць кантраляваць, колькі разоў карыстач бачыць рэкламу на кожнай з пляцовак. Таксама Google пачне падаваць інфармацыю аб тым, колькі людзей бачылі вызначаную рэкламную кампанію і сярэдні лік карыстачоў, якія рабілі клікі па аб'явах, паведамляе АР.
Акрамя таго, прадстаўнікі Google абяцаюць значна палепшыць іншыя паказчыкі статыстыкі сваіх сэрвісаў анлайн-рэкламы, каб рэкламадаўцы маглі атрымліваць больш інфармацыі.
«Рэалізацыя новых функцый стане магчымая дзякуючы інтэграцыі тэхналогій DoubleClick у нашу сетку кантэнт-рэсурсаў», - сказаў галоўны мэнэджар па прадукцыі Google Раджас Моонка (Rajas Moonka).