Google прадставіла біржу інтэрнэт-рэкламы DoubleClick Ad Exchange. Напроста да пляцоўкі будуць падлучаныя буйныя агенцтвы, выдаўцы і рэкламныя сеткі. Уладальнікі сайтаў, якія размяшчаюць кантэкстную рэкламу Google AdSense, і пакупнікі тэкставай пошукавай рэкламы Google AdWords змогуць працаваць з біржай праз адмысловыя інтэрфейсы. Аб гэтым піша The New York Times.
Новая пляцоўка дазволіць кіраваць ходам рэкламнай кампаніі ў рэжыме рэальнага часу. Уладальнікі сайтаў змогуць павялічыць запоўненасць рэкламных месцаў, а пакупнікі рэкламы пачнуць канкураваць за лепшыя пляцоўкі. Google запэўнівае, што ў выніку кожная рэкламная аб'ява будзе прадавацца па аптымальным кошце, а агульны памер рынка вырасце.
Google лідыруе ў вобласці пошукавай і кантэкстнай рэкламы, але на рынку банэрнай рэкламы прайгравае Yahoo!. У 2008 году Google купіла за 3,1 мільярда даляраў DoubleClick, спрабуючы ўмацаваць свае пазіцыі і заняць новыя сегменты рынка. З тых часоў карпарацыя працавала над інтэграцыяй DoubleClick і сваіх рэкламных прадуктаў.
Сістэма кіравання інтэрнэт-рэкламай DoubleClick супрацоўнічае з найбуйнымі выдаўцамі і рэкламнымі агенцтвамі. Дзякуючы таму, што код сістэмы размешчаны на шматлікіх сайтах, яна можа адсочваць інтэрасы карыстачоў і наладжваць пад іх параметры рэкламнай кампаніі. "Паводніцкі таргетынг" дазваляе рэкламадаўцам эфектыўна кіраваць коштам рэкламнай кампаніі і такімі важнымі паказчыкамі, як ахоп мэтавай аўдыторыі і частата кантактаў.
Кантэкстныя прадукты Google у асноўным нацэленыя на дробных рэкламадаўцаў і ўладальнікаў невялікіх сайтаў, хоць з Google працуюць таксама буйныя агенцтвы і выдаўцы. Сістэма AdWords паказвае рэкламныя аб'явы, якія адпавядаюць (рэлевантныя) пошукавым запытам карыстача. Google AdSense аналізуе змесціва сайта, на якім усталяваны код сістэмы, і адлюстроўвае падыходныя банэры і тэкставыя спасылкі.
Цяпер немагчыма атрымаць максімальныя вынікі без куплі рэкламных месцаў на найбуйных сайтах, лічыць аналітык Вільям Моррисон (William Morrison), чые словы прыводзіць The New York Times. DoubleClick Ad Exchange павінна прыцягнуць на рынак "доўгі хвост" - сотні тысяч невялікіх сайтаў і дробных рэкламадаўцаў.
Карпарацыя Google адкрыла банэрную біржу
21 верасня 2009
Каментароў (0)