04.05.2008 12:52
Крыніца: www.lenta.ru

Тыя геймеры, якія яшчэ не змаглі набыць GTA 4, сталі ўразлівай мішэнню для хакераў і спамераў. Даверлівым фанатам рассылаюць спам, дзе прапаноўваецца прыняць удзел у адмысловым розыгрышы прызаў. Як абяцае рэклама, пераможца атрымае PlayStation 3 у камплекце з Grand Theft Auto IV. На самім жа справе, гэтыя паштовыя паведамленні загружаюць шпіёнскія праграмы, створаныя для збору асабістых банкаўскіх дадзеных.

Ашуканцы вельмі хутка зарыентаваліся ў сітуацыі: бо попыт на Grand Theft Auto IV залішне высокі, шматлікім геймерам проста не хапіла скрынкі з гульнёй. Сярод іх нямала фанатаў, якія гатовыя выкарыстаць любы шанец займець запаветную кружэлку, і хакеры ўмела карыстаюцца гэтым.

Як паведамляюць прадстаўнікі кампаніі ClearMyMail, якое займаецца фільтраваннем спаму, больш паловы ўсіх заблакаваных лістоў у аўторак былі прысвечаныя GTA IV. Большасць паведамленняў утрымоўваюць вірусы або шпіёнскае праграмнае забеспячэнне.

Адмыслоўцы раяць геймерам пачакаць датуль, пакуль у іх не з'явіцца магчымасць легальна набыць чацвёртую частку Grand Theft Auto. Аднак попыт на гульню настолькі высокі, што нават цярплівыя фанаты не заўсёды могуць адмовіцца ад прапаноў ашуканцаў. Першыя геймеры атрымалі магчымасць страляць па віртуальных мінаках і катацца на сагнаных машынах па Liberty City яшчэ ў аўторак, 29 красавіка. Пры гэтым за Grand Theft Auto IV дагэтуль выбудоўваюцца чэргі ў крамах.

рэкамендуем прачытаць таксама

• Спамеры атакавалі прыхільнікаў Grand Theft Auto IV
• Grand Theft Auto IV з прызамі ў крамах “Эльдарада”
• Grand Theft Auto IV прадае сваю музыку
• Playstation 3 захоплівае 40% Grand Theft Auto IV
• GTA IV патрапіць у Кнігу рэкордаў Гінэса

Каментаванне не дазволенае.