Mozilla анансавала вынахад першай афіцыйнай бэты Firefox 3.5 (першыя тры бэты ставіліся да Firefox 3.1). Новы браўзэр прыносіць з сабой палепшаную прадукцыйнасць, палепшаную функцыянальнасць прыватнага прагляду і шэраг новых магчымасцяў для вэба-праграмавання. І самае галоўнае – праграма ўжо даступная для запампоўкі.

Новы Firefox 3.5 beta 4 стаў яшчэ хутчэй, што звязана з выкарыстаннем пераваг рухавічка TraceMonkey для працы праграм JavaScript. Акрамя таго, у рэжыме прыватнага прагляду на кампутары карыстача зараз не застаецца зусім ніякіх слядоў, таму ніхто не пазнае якія сайты ён наведвае.

Іншыя паляпшэнні браўзэра ўключаюць убудаваную тэхналогію JSON (JavaScript Object Notation) для абмену дадзенымі паміж серверамі і браўзэрамі, падтрымку некаторых элементаў HTML5, падтрымку тэгаў для апісання аўдыё і відэа кантэнту, падтрымку пампаваных шрыфтоў і іншых новых параметраў CSS, а таксама падтрымку прагляду на аснове локационных дадзеных (гео-прагляду).

Бэта ўжо гатовая да выкарыстання. Тым не менш, нягледзячы на яе стабільнасць, Mozilla рэкамендавала браўзэр толькі распрацоўнікам і чальцам супольнасці тэстараў. Запампаваць Firefox 3.5 Beta 4 для Windows, Linux і Mac OS X з падтрымкай розных моў можна адгэтуль.

Акрамя Firefox 3.5 Beta 4, Mozilla на днях таксама выпусціла апгрэйд да свайго папулярнага браўзэра - Firefox 3.0.10. У навінцы выпраўленая памылка, якая выклікала частыя збоі працы Firefox 3.0.9.

рэкамендуем прачытаць таксама

• Выйшла бэта-версія браўзэра Firefox 3.1
• Выйшла другая бэта-версія Firefox 3.1
• Mozilla выпускае Firefox 3.1 Beta 3 і анансуе Firefox 3.5
• Mozilla выпусціла другую бэта-версію Firefox 3.1
• Выйшла першая бэта-версія вэб-браўзэра Mozilla Firefox 3.6

Каментаванне не дазволенае.