21.08.2008 12:07
Тэкст: Павел Міхайлаў

Кампанія Microsoft рыхтуе да выпуску пакет дадаткаў для назапашвальнікаў, або жа “Feature Pack for Storage 1.0”, як заве яго сам вытворца. Новы пакет будзе ўтрымоўваць модулі для распазнання партатыўных назапашвальнікаў, уводзіны для іх абмежаванняў, драйвера для Smart-карт ICCD і CCID, і (самае галоўнае!) API для Blu-ray-прывадаў, якія дазволяць выканаць “аптычны запіс Blu-ray-кружэлак” у стылі “master”.

Па паведамленні кампаніі Microsoft, пакуль у пакеце даступныя 3 “тэхналогіі” назапашвальнікаў, кожная з якіх мае свой уласны ўсталёўнік:

• Платформа актыўнага назапашвальніка або Active Storage Platform. Дадзеная тэхналогія дазваляе ўводзіць абмежаванні на доступ Windows-платформаў да партатыўных прылад (тыпу USB Flash-назапашвальнікаў). Абмежаванні ўводзяцца пасродкам сертыфікатаў або жа аутентификационных пароляў, заснаваных на стандарце IEEE 1667;
• API абнаўленне для Blu-ray-кружэлак. Дадзеныя API дазваляюць Windows-платформам выконваць аптычны запіс Blu-ray-кружэлак у стылі “master”;
• Драйвер для Smart-карт. Забяспечвае падтрымку платформамі Windows новых карт тыпу ICCD/CCID.

У цяперашні час дадзены пакет праходзіць стадыю тэставання, аднак пакуль не вядома калі ён будзе даступны ў сеткі. Вядома толькі, што навінка выйдзе для розных Windows-платформаў, уключаючы розныя версіі XP, Vista і Server 2003. Акрамя таго, пакет, хутчэй за ўсё, будзе ўкаранёны ў будучую аперацыйную сістэму Windows 7.

Нагадаю таксама, што ў адрозненне ад пакетаў абнаўлення, пакеты магчымасцяў не выпраўляюць існую аперацыйную сістэму, а толькі дапаўняюць яе. У цяперашні час ужо даступны пакет бесправадных магчымасцяў і пакет TV-магчымасцяў для Windows Media Center.

рэкамендуем прачытаць таксама

• Microsoft выпусціла Service Pack 2 для Windows Vista
• Сёння Microsoft зачыніць яшчэ 34 уразлівасці ў сваіх прадуктах
• Выйшаў рэліз-кандыдат Windows Vista SP2
• Пампуем Windows XP SP3
• Microsoft абнавіла АС Windows 7

Каментаванне не дазволенае.