Выйшла новая версія папулярнага дыстрыбутыва GNU/Linux, распрацоўванага Open Source-супольнасцю пры падтрымцы кампаніі Red Hat, — Fedora 9.Сярод ключавых змен і абнаўленняў у Fedora 9 распрацоўнікі адзначаюць: абнаўленне ўсталёўніка сістэмы Anaconda (з магчымасцямі змены памеру падзелаў файлавых сістэм ext2/3 і NTFS, стварэнні зашыфраваных файлавых сістэм і ўсталёўкі на іх дыстрыбутыва); інтэграцыя фреймворка PackageKit для (незалежнага ад дыстрыбутыва) кіраванні пакетамі праграмнага забеспячэння — ён прыйшоў на змену Pirut, а яго графічны мэнэджар абнаўленняў зараз выкарыстоўваецца замест Pup; FreeIPA для кіравання ўліковымі запісамі і правамі доступу (гэтае рашэнне камбінуе службу каталогаў Fedora Directory Server з FreeRADIUS, MIT Kerberos, NTP і DNS); падтрымка новай файлавай сістэмы Ext4; Upstart — заснаваная на падзеях замена дэману /sbin/init.З навінак у вобласці праграмнага забеспячэння ў Fedora 9 можна знайсці наступнае: Linux-ядро 2.6.25 (з аўтаматычнымі апавяшчэннямі аб падзеннях ядра на kerneloops.org); графічныя асяроддзі GNOME 2.22, KDE 4.0.3 і Xfce 4.4.2; мэнэджар сеткавых падлучэнняў NetworkManager 0.7 з палепшанай падтрымкай мабільных сетак (асабліва адзначаюцца прылады GSM і CDMA); Web-браўзэр Firefox 3 Beta; офісны пакет OpenOffice.org 2.4; TeXLive наўзамен старога дыстрыбутыва TeX; мова праграмавання Perl 5.10.0; цалкам вольнае асяроддзе Java — OpenJDK 6.
рэкамендуем прачытаць таксама
