Стала вядома аб першым фінальным рэлізе новай аперацыйнай сістэмы на базе OpenBSD — BSDanywhere 4.3.Праект BSDanywhere стартаваў сёлета: яго сайт і першая публічная версія (Alpha 2) з'явіліся 20 траўня, а першы бэта-рэліз адбыўся 4 чэрвеня. BSDanywhere уяўляе сабой LiveCD (т.е. сістэму, якая працуе напроста з кампакт-кружэлкі без запатрабавання ва ўсталёўцы на цвёрдую кружэлку) з аперацыйнай сістэмай OpenBSD 4.3 у якасці асновы.Сярод ключавога праграмнага забеспячэння ў складзе сістэмы аўтары BSDanywhere вылучаюць шэраг дэсктоп-прыкладанняў: X-сервер з аконным мэнэджарам Enlightenment DR17, тэкставы працэсар Abiword, Web-браўзэр Firefox і паштовы кліент Thunderbird, рэдактар растравай графікі Gimp, аўдыёрэдактар Audacious і прагляднік дакументаў ePDFView. З класічных UNIX-утыліт завуцца nmap, iperf, pftop, trafshow і rsync.
рэкамендуем прачытаць таксама
