Google нарэшце-то ўзрадавала ўсіх Linux-карыстачоў афіцыйным рэлізам свайго Web-браўзэра для вольнай платформы. Праўда, на дадзены момант ён даступны толькі ў бэта-версіі.Дагэтуль на афіцыйнай старонцы Google Chrome была даступная толькі Windows-версія браўзэра, а Linux-карыстачам прапаноўвалася альбо дачакацца рэлізу, альбо апрабаваць альтэрнатыўныя зборкі ад Open Source-праекту Chromium. Зараз Google прапанавала лінуксоідам і «афіцыйны» рэліз свайго стварэння — пакуль у выглядзе бэта-версіі.Пры запампоўцы Google Chrome for Linux прапаноўваюцца пакеты для дыстрыбутываў Debian GNU/Linux і Ubuntu (.deb), а таксама Fedora і openSUSE (.rpm). Пакеты даступныя як для 32-бітных, так і для 64-разрадных сістэм. Перад запампоўкай карыстач павінен пагадзіцца з умовамі «Google Chrome Terms of Service». Аб'ём 64-бітнага пакета для Debian/Ubuntu складае 12,7 Мб. Карыстачам іншых Linux-дыстрыбутываў прапаноўваецца звярнуцца да зборак Open Source-версіі Chrome — Chromium.
рэкамендуем прачытаць таксама
