Выйшла новая версія офіснага пакета папулярнага графічнага працоўнага асяроддзя KDE — KOffice 2.1.0.На распрацоўку апошняга рэлізу KOffice сышло каля 6 месяцаў (з моманту выпуску 2.0), аднак аўтары офіснага пакета па-ранейшаму не рэкамендуюць яго ні канчатковым карыстачам, ні стваральнікам Linux-дыстрыбутываў у якасці офіса па змаўчанні. Зрэшты, гэта не перашкодзіла апошнім рэлізам KOffice стаць асновай для офіснага пакета ў складзе дыстрыбутыва Maemo Linux 5, выкарыстоўванага ў новай мабільнай прыладзе Nokia — N900.Сярод навін у KOffice 2.1 — акрамя выпраўлення шматлікіх праблем — адзначаюцца: паляпшэнні ў падтрымцы фармату ODF (OpenDocument Format); новая рэалізацыя табліц у KWord; функцыя маніторынгу змен у KWord; падтрымка нумароў слайдаў у KPresenter; падтрымка розных маніпуляцый над рэсурсамі, валютамі і тыпамі прац у KPlato, а таксама магчымасць працы ў offline з дапамогай утыліты KPlatoWork; у Karbon з'явіўся новы фреймворк для ўбудоў з SVG-фільтрамі, рэалізаваныя новыя фільтры (offset, blur, merge), з'явіўся імпарт фільтраў у PDF-файлы; у Krita з'явіліся новыя пэндзлі; прадстаўленыя прыкметныя паляпшэнні ў фільтрах імпарту ў фарматы Microsoft Word (.doc) і PowerPoint (.ppt).
рэкамендуем прачытаць таксама
