У мінулы панядзелак, 20 ліпеня, Microsoft абвясціла аб перадачы супольнасці Linux часткі зыходных кодаў тэхналогіі віртуалізацыі Hyper-V.
Сістэма Hyper-V распрацоўвалася ў рамках праекту з кодавым назовам Viridian. Сродкі Hyper-V дазваляюць запускаць на адным фізічным серверы адразу некалькі аперацыйных сістэм. Дзякуючы гэтаму карпаратыўныя заказчыкі атрымліваюць магчымасць скараціць выдаткі на куплю абсталявання, электраэнергію і абслугоўванне, а таксама больш эфектыўна выкарыстаць наяўныя апаратныя рэсурсы.
Як адзначаецца, супольнасці Linux перададзеныя зыходныя коды сродкаў Hyper-V Linux Integration Components (LinuxIC). Модуль LinuxIC уяўляе сабой набор драйвераў ядра, якія дазваляюць аптымізаваць працу платформаў Linux разам з праграмным забеспячэннем для віртуалізацыі Hyper-V і падняць прадукцыйнасць сістэмы.
У агульнай складанасці супольнасці Linux перададзена каля 20 тысяч радкоў кода. Праграмнае забеспячэнне «Майкрасофт» распаўсюджваецца на ўмовах ліцэнзіі GNU GPLv2 (General Public License version 2).
Некаторыя аглядальнікі схіляюцца да меркавання, што рашэнне Microsoft аб адкрыцці часткі зыходнікаў Hyper-V тлумачыцца жаданнем умацаваць свае пазіцыі на рынку ПА для віртуалізацыі. У якасці аднаго з асноўных канкурэнтаў Microsoft у дадзеным сегменце завуць кампанію VMware.
рэкамендуем прачытаць таксама
- Microsoft і Novell прапанавалі SUSE Linux на Windows Server з Hyper-V
- Microsoft і Novell запусцілі SUSE Linux на Windows Server Hyper-V
- Microsoft апублікавала GPL-код для ўключэння ў Linux-ядро
- Microsoft збіраецца апублікаваць свой код у ядро Linux
- Cooler Master Hyper 212 Plus – падтрымка LGA1156/1366 і тэхналогіі HDT