Па паведамленнях сеткавых крыніц, на гэтым тыдні кампанія Apple мае намер прадставіць трэцюю версію праграмнага забеспячэння для смартфона iPhone.

Рэліз ПА iPhone 2.0, нагадаем, адбыўся летась. У склад праграмнай платформы былі ўключаныя пашыраныя магчымасці для карпаратыўных карыстачоў (падтрымка VPN-сэрвісаў Cisco і тэхналогіі Microsoft Exchange ActiveSync), прыкладанне App Store для працы з анлайнавай крамай Apple і інш.

Аб тым, якія новаўвядзенні з'явяцца ў iPhone 3.0, у Apple пакуль не кажуць. Па слыху, новая версія праграмнай платформы будзе падтрымліваць працу з мультымедыйнымі паведамленнямі (MMS) і атрымае пашыраную функцыянальнасць Bluetooth. Акрамя таго, Apple можа дадаць магчымасць выкарыстання iPhone у якасці сотавага мадэма, падлучальнага да кампутара праз порт USB або пасродкам бесправадной сувязі. Згадваецца таксама падтрымка Adobe Flash.

Разам з ПА iPhone 3.0, як чакаецца, кампанія Apple прадставіць удасканаленыя сродкі для распрацоўнікаў (SDK).

рэкамендуем прачытаць таксама

• Apple прадала мільён новых iPhone
• Apple абнавіла аперацыйную платформу iPhone OS да версіі 3.1.2
• Apple выпусціць бюджэтную версію новага iPhone
• Пралік у дызайне iPhone 4 вядзе да паломкі корпуса
• Брытанцы забаранілі тэлерэкламу iPhone

Каментаванне не дазволенае.