Google апублікавала папярэднюю версію новага праграмнага забеспячэння Native Client, пры дапамозе якога вэб-распрацоўнікі змогуць ствараць больш магутныя і функцыянальныя праграмы, якія працуюць праз інтэрнэт напроста з аперацыйнай сістэмай, абыходзячы браўзэр. З тэхнічнага пункта гледжання Native Client уяўляе сабой альтэрнатыву зручнай, але неадназначнай з пункта гледжання бяспекі тэхналогіі Microsoft ActiveX.
Native Client будзе існаваць у выглядзе адчыненай тэхналогіі з даступнымі для ўсіх зыходнікамі.
Цяпер распрацоўка знаходзіцца на ранняй стадыі тэставання, але ўжо сёння пры дапамозе яе можна ствараць вэб-праграмы новага пакалення, якія будуць працаваць хутчэй і камфортней існых вэб-сістэм. Пры дапамозе Native Client можна будзе ствараць паўнавартасныя настольныя прыкладанні, якія працуюць праз інтэрнэт, кажуць у Google.
Брэд Чен, прадстаўнік Google кажа, што пры дапамозе новай тэхналогіі асабліва зручна будзе працаваць з Web2.0- сайтамі і карпаратыўнымі інтранэт-парталамі. "Карыстачы могуць загружаць фатаграфіі на фота-хостынг без фактычнага заходу на сайт, зрабіць гэта можна будзе прама з працоўнага стала. Сёння ёсць падобныя прыкладанні, але Native Client значна пашырае такі падыход", - кажа ён.
Ключавых пераваг перад ActiveX у Native Client два - па-першае, ён будзе бяспечней за рахунак адкрытасці зыходнікаў, па-другое, ён будзе працаваць не толькі ў Windows, але і ў асяроддзях Linux і Mac OS.
Распрацоўнікі змогуць ствараць свае Native Client-прыкладанні выкарыстаючы звыклы для Linux-карыстачоў GNU C Compiler.
У Google кажуць, што пакуль іх распрацоўка не здольная цалкам замяніць ActiveX, хоць у даляглядзе такое прадстаўнік кампаніі не выключыў. Цікава таксама адзначыць і яшчэ адно адрозненне ActiveX ад Native Client. Першая тэхналогія працуе толькі ў асяроддзі браўзэра Microsoft Internet Explorer, другая падтрымлівае ўсе браўзэры, акрамя Internet Explorer. У ліку вэб-аглядальнікаў, падтрымоўваных Native Client завуцца Google Chrome, Firefox, Safari і Opera.
Для таго, каб пазбегнуць узаемадзеянні Native Client з "голай" АС, увесь код Native Client выконваецца ў асобным кантэйнеры (у тэрміналогіі Google у "сваёй пясочніцы") , што дазваляе захаваць АС ад магчымага пашкоджання зламысным кодам. "Бяспека - гэта галоўны выклік для Native Client, пры гэтым мы лічым, што бяспечнае выкананне кода па-за браўзэрам падасць некаторыя перавагі распрацоўнікам і карыстачам", - упэўнены Чен.
Google распрацоўвае альтэрнатыву тэхналогіі Microsoft ActiveX
10 снежня 2008
Каментароў (0)