Кампанія Apple распрацоўвае пошукавую сістэму, паведамляе техноблог TechCrunch са спасылкай на інфармацыю, атрыманую з уласных крыніц. Прадстаўнікі Apple не каментуюць гэтую інфармацыю.
Выданне адзначае, што стварэнне ўласнай пошукавай сістэмы Apple суцэль абгрунтаванае. Так, браўзэр Safari у цяперашні час займае 6-7 адсоткаў рынка. Пры гэтым у смартфонах iPhone і плэеры iPod Touch пошукавікам па змаўчанні з'яўляецца Google. Акрамя таго, пошукавік Apple можа апрацоўваць пошукавыя запыты карыстачоў сэрвісу Mobile Me.
Падапхнуць Apple да стварэння ўласнага пошукавіка мог і выпуск мабільнай платформы Android. Смартфон G1, створаны на яе аснове, з'яўляецца канкурэнтам Apple iPhone 3G.
Але адзін факт практычна выняткоўвае магчымасць стварэння пошукавіка Apple. Калі бы кампанія намервалася ажыццявіць гэты праект, то ёй прыйшлося бы наймаць новых інжынераў і распрацоўнікаў. Супрацоўнікі TechCrunch апыталі экспертаў у вобласці пошуку і дашлі да высновы, што Apple не займаецца наборам адмыслоўцаў. Хоць некаторыя ўдзельнікі рынка чулі, што Apple распрацоўвае ўласны пошукавік.
Журналісты TechCrunch лічаць, што Apple можа працаваць не над уласным пошукавікам, а над зменай візуальнага афармлення пошуку Google на сваіх прадуктах. Але не выняткоўваюць, што ў даляглядзе Apple можа стварыць уласны пошукавы сэрвіс.
Журналісты пазналі аб пошукавіку Apple
17 лістапада 2008
Каментароў (0)