Новы музычны сэрвіс MySpace Music абвясціў аб тым, што яго карыстачы праслухалі ў струменевым рэжыме больш 1 млрд. песень усяго за некалькі дзён пасля запуску, які адбыўся 25 верасня.
Па словах прадстаўнікоў MySpace Music, ажыятаж вакол сэрвісу перасягнуў іх чакання і цяпер яго папулярнасць працягвае расці. Як адзначае TechCrunch, самому папулярнаму на сённяшні дзень музычнаму сэрвісу iTunes запатрабавалася каля трох гадоў, каб дасягнуць адзнакі ў 1 млрд. прададзеных песень.
MySpace Music быў створаны сумесна з чатырма найбуйнымі гуказапісвальнымі кампаніямі - Sony BMG Music Entertainment, Universal Music Group, Warner Music Group і EMI Music. Апошняя далучылася да супрацоўніцтва ў апошні дзень перад запускам. На сэрвісе карыстачы могуць бясплатна слухаць музыку ў струменевым рэжыме, купляць трэкі ў краме Amazon і ствараць персаналізаваныя плэй-лісты.
Фундатарамі MySpace Music выступілі McDonald's, Sony Pictures, Toyota і State Farm. Менавіта гэтыя чатыры кампаніі будуць аплачваць доступ карыстачоў да бясплатнай музыкі ў абмен на рэкламу.