Кампанія Google прапанавала карыстачам свайго паштовага сэрвісу пратэставаць некалькі новых функцый, піша BBC News.
Тэставанне 13 новых функцый даступна толькі амерыканскім і брытанскім карыстачам Gmail.
Гэты публічны эксперымент стаў першым у гісторыі кампаніі. Звычайна новыя прадукты Google тэстуюцца супрацоўнікамі на працягу тыдняў або нават месяцаў, перш чым стаць здабыткам грамадскасці. Кіт Коулман, мэнэджар па прадукцыі Google, заявіў, што гэтая падзея з'яўляецца паваротным для палітыкі кампаніі ў вобласці распрацоўкі новай прадукцыі.
Сярод новых функцый згадваюцца такія як Pictures in Chat, Superstars, Old Snakey і E-mail Addict. Pictures in Chat дазваляе дадаваць малюнкі ў чаце. З дапамогай Superstars карыстачы могуць маркіраваць паведамленні рознымі абразкамі. Old Snakey уяўляе сабой гульню. Па заяве Коулмана, ні адна з навінак не падвергнулася дызайнерскаму або маркетынгаваму аналізу.
Пратэставаўшы новыя магчымасці сэрвісу, карыстачы змогуць паведаміць распрацоўнікам сваё меркаванне. Найболей папулярныя функцыі, магчыма, будуць уключаныя ў стандартны набор.
Google публічна тэстуе новыя функцыі Gmail
10 ліпеня 2008
Каментароў (0)