Кампанія Motorola анансавала два новых мабільных тэлефона, якія працуюць пад кіраваннем аперацыйнай сістэмы Linux – MING A1600 і A1800. Адзначым, што дадзеныя прылады нельга назваць смартфонамі, бо афіцыйны SDK (Software Development Kit) для распрацоўкі прыкладанняў для іх пакуль не выпушчаны, а ўвесь софт для папярэдніка A1600 і A1800 – Motorola MING A1200e – напісаны энтузіястамі.
Абедзве навінкі выкананыя ў формаў-фактары "раскладанка" з празрыстым флипом. Яны абсталяваныя GPS-прымачамі, 3-мегапіксэльнымі камерамі з аўтафокусам, слотамі microSD (падтрымка карт аб'ёмам да 4 Гб), FM-цюнэрамі, bluetooth-модулямі і 2,4-цалевымі сэнсарнымі дысплеямі з дазволам 320х240 кропак.
Motorola MING A1600 прызначаная для сетак GSM/GPRS/EDGE 850/900/1800/1900, а мадэль MING A1800 абсталяваная двума прыёмаперадатчыкамі і можа працаваць у двух сетках адначасова – стандартаў GSM (GSM/GPRS 900/1800/1900) і CDMA. Падтрымка 3G і Wi-Fi адсутнічае ў абодвух выпадках.
Верагодней усяго, у першую чаргу дадзеныя тэлефоны з'явяцца на рынку Кітая. Аб планах кампаніі па пасоўванні навінак MING-серыі на еўрапейскім і амерыканскім рынках пакуль нічога не паведамляецца.
Motorola анансавала мадэлі тэлефонаў пад кіраваннем Linux
25 чэрвеня 2008
Каментароў (0)