Карпарацыя Intel афіцыйна анансавала трэцяе пакаленне тэхналогіі vPro, якая прадстаўляе карпаратыўным карыстачам сродку выдаленага кіравання кампутарамі і дадатковыя функцыі бяспекі.
У склад трэцяй версіі платформы vPro, раней вядомай пад кодавым назовам McCreary, уваходзяць новых двух- або чатырох'ядравыя працэсары Core 2, набор сістэмнай логікі Intel Q45 Express і сеткавы кантролер Intel 82567LM Gigabit Network Connection. Тэхналогія vPro трэцяга пакалення атрымала мноства новаўвядзенняў і ўдасканаленняў. Першым чынам, распрацоўнікі вылучаюць магчымасць кантролю бяспекі і кіраванні ПК з вонкавага боку карпаратыўнага брандмаўэра. У той жа час сістэма падачы выдаленых сігналаў трывогі Remote Alert дазваляе кампутарам самастойна выклікаць тэхнічную дапамогу пры ўзнікненні няштатных сітуацый.
Дзякуючы функцыі планавага абслугоўвання Remote Scheduled Maintenance адміністратары змогуць вызначаць перыядычнасць падлучэння кампутараў да сістэмы кіравання для правядзення рэгулярных праверак працаздольнасці. А функцыя Fast Call for Help дазволіць карыстачам хутка звяртацца за тэхнічнай дапамогай у выпадку збою аперацыйнай сістэмы або вынахаду з ладу цвёрдай кружэлкі.
Новая версія платформы vPro таксама ўлічвае запатрабаванні прадпрыемстваў малога бізнэсу, у якіх, як правіла, няма адмыслоўца па кампутарных сістэмах. Праз адмысловую панэль IT Director карыстачы змогуць атрымаць інфармацыю аб стане кампутара, бягучых наладах, забараніць падлучэнне прылад праз парты USB або ажыццявіць рэзервовае капіяванне дадзеных.
Больш падрабязную інфармацыю аб трэцяй версіі тэхналогіі vPro можна знайсці тут.
Intel прадставіла трэцяе пакаленне тэхналогіі vPro
24 верасня 2008
Каментароў (0)