Сацыяльная сетка Facebook абвясціла аб тым, што да канца бягучага тыдня плануе запусціць канчатковую версію новага дызайну свайго сайта.
Раней была запушчаная бэта-версія новага афармлення, якая даступная ўсім карыстачам па адрасе new.facebook.com.
Па словах прадстаўнікоў Facebook, дызайн памянялі, каб прыбраць лішнія элементы са старонак з профілямі карыстачоў і палепшыць навігацыю па сайце.
Па дадзеных TechCrunch, з 100 млн. карыстачоў Facebook на новы дызайн перайшлі ўжо каля 30-40 млн. Шматлікія карыстачы незадаволеныя новым дызайнам – у сацыяльнай сетцы была створаная група «People against the New Facebook System» («Людзі супраць новага Facebook»), якая налічае больш 220 тыс. чальцоў.