Студэнтаў шатландскага ўніверсітэта Эбертей (University of Abertay) навучаць узломваць кампутары, паведамляе BBC News. Курс кампутарнага ўзлому стане адным з этапаў падрыхтоўкі адмыслоўцаў па кампутарнай бяспецы.
Адміністрацыя ўніверсітэта разлічвае, што такі падыход дазволіць рыхтаваць больш высакакласных адмыслоўцаў па кампутарнай бяспецы.
Мяркуецца, што студэнт, які пабыў у "шкуры хакера", будзе лепш дасведчаны аб уразлівасцях кампутарных сістэм, што дазволіць з большай верагоднасцю прадухіліць іх узлом.
Прадстаўнікі ўніверсітэта падкрэсліваюць, што кампаніям не варта асцерагацца студэнтаў, якія прайшлі дадзены курс. Кожны ўдзельнік праграмы праходзіць строгі адбор і да навучання не дапушчаюцца людзі, якія могуць выкарыстаць атрыманыя веды ў шкоду.
Шатландскі ўніверсітэт будзе рыхтаваць хакераў
27 жніўня 2008
Каментароў (0)