Супольнасць Mozilla абвясціла аб даступнасці бэта-версіі браўзэра Firefox 3.6, вядомага пад кодавым назовам Namoroka.

Сярод ключавых змен у Firefox 3.6 распрацоўнікі вылучаюць падвышаную прадукцыйнасць рухавічка JavaScript і меншы час водгуку на дзеянні карыстача. Скарацілася час загрузкі браўзэра, а адмысловая сістэма выдае папярэджанні ў тым выпадку, калі ўсталяваныя на кампутары ўбудовы патрабуюцца ў абнаўленні.

У Firefox 3.6 рэалізаваная функцыя, якая дазваляе браўзэру вызначаць арыентацыю дысплея партатыўных кампутараў у прасторы. Сістэма будзе запатрабаваная першым чынам у гульнях і іншых інтэрактыўных праграмах, якія працуюць у акне аглядальніка.

Дзякуючы ўбудаванай падтрымцы Personas карыстачы могуць хутка змяняць вонкавы выгляд браўзэра. Акрамя таго, можна згадаць спецыялізаваны інструментар для пабудовы «партрэта» пераваг уладальніка ПК на аснове аналізу гісторыі наведванняў старонак.

У аснову вэб-аглядальніка Firefox 3.6, бэта версію якога можна загрузіць адгэтуль, пакладзены праграмны рухавічок Gecko 1.9.2. Фінальная версія пакета ўбачыць святло да канца лістапада.

Падрыхтаванае па матэрыялах Mozilla

рэкамендуем прачытаць таксама

• Выйшла першая бэта-версія вэб-браўзэра Mozilla Firefox 3.6
• Выйшла бэта-версія браўзэра Firefox 3.1
• Firefox зможа апрацоўваць код JavaScript у сем разоў хутчэй
• Выйшла першая альфа-версія вэб-браўзэра Firefox 3.6 “Namoroka”
• Выйшаў першы кандыдат у рэліз вэб-браўзэра Firefox 3.5

Каментаванне не дазволенае.