Yahoo і Google усё яшчэ вядуць перамовы аб партнёрстве ў сферы рэкламы ў пошукавых сістэмах, але яшчэ не дасягнулі канчатковых дамоўленасцяў.
Аб гэтым паведамляе агенцтва Reuters са спасылкай на дасведчаную крыніцу.
Па інфармацыі Reuters, перамовы паміж кампаніямі не спыніліся пасля таго, як Microsoft афіцыйна адмовілася ад сваёй прапановы па набыцці Yahoo. Аб угодзе паміж Google і Yahoo могуць абвясціць ужо на наступным тыдні.
Нагадаем, што кампаніі склалі дамову аб супрацоўніцтве ў сферы анлайн-рэкламы 10 красавіка. Паводле ўмоў угоды, Google размяшчае кантэкстную рэкламу ў выніках пошукавых запытаў карыстачоў з ЗША на сэрвісе Yahoo. Гэта распаўсюджваецца толькі на 3% усіх пошукавых запытаў.