Карпарацыя Microsoft прадставіла публічную бэта-версію анлайнавага сэрвісу WorldWide Telescope, які дазваляе атрымліваць доступ да велізарнай базы дадзеных інфармацыі астранамічнага характару.
Праект WorldWide Telescope быў пачаты яшчэ ў 2002 году супрацоўнікам падпадзялення Microsoft Research eScience Group Джымам Грэем, зніклым летась у Ціхім акіяне, недалёка ад берагоў Паўночнай Каліфорніі. Служба WorldWide Telescope дазваляе аматарам астраноміі і прафесійным навукоўцам даследаваць зорнае неба са свайго персанальнага кампутара, атрымліваць інфармацыю аб Сонечнай сістэме, галактыках, туманнасцях і іншых касмічных аб'ектах.
Для працы з сэрвісам WorldWide Telescope неабходна загрузіць і ўсталяваць кліенцкую праграму. У цэлым, новая служба аб'ядноўвае тэрабайты графічных і спадарожных дадзеных, сабраных найбуйнымі наземнымі абсерваторыямі і касмічнымі тэлескопамі, у тым ліку арбітальнай рэнтгенаўскай абсерваторыяй "Чандра", тэлескопамі "Хабл" і "Спитцер". Карыстачы могуць праглядаць малюнкі, атрыманыя на розных даўжынях хваль, набліжаць участкі здымкаў, адсочваць становішча касмічных аб'ектаў у розны час і інш.
Анлайнавы тэлескоп Microsoft таксама дазваляе ствараць уласныя вэб-экскурсіі па касмічнай прасторы і запрашаць на іх сваякоў, знаёмых або калегаў па працы. Акрамя таго, карыстачы сэрвісу змогуць наведваць экскурсійныя туры з падрабязнымі каментарамі, распрацаваныя адмыслоўцамі.
Жадаючым Microsoft прапаноўвае прагуляцца па бязмежных прасторах Сусвету, загрузіўшы кліенцкае прыкладанне з сайта праекту WorldWide Telescope.
рэкамендуем прачытаць таксама
- Microsoft запусціла свайго канкурэнта Google Sky
- У канцы траўня Microsoft пакажа карту зорнага неба
- NASA і Microsoft выкладуць у інтэрнэт больш 100 тэрабайт астранамічных дадзеных
- “Лабараторыя Касперскага” увайшла ў Топ-4 лідэраў рынка абароны канчатковых карыстачоў
- Microsoft пачне прымаць замовы на Windows 7 з 1 верасня