Карпарацыя Microsoft апублікавала вынікі праведзенага ўласнымі сіламі тэсту прадукцыйнасці папулярных браўзэраў.
Падчас тэставанняў параўноўвалася прадукцыйнасць браўзэраў Chrome 1.0, Firefox 3.05 і Internet explorer 8 пры працы з папулярнымі вэб-сайтамі.
Для правядзення тэсту былі абраныя 25 актыўна наведвальных парталаў, такіх як Google, Yahoo, YouTube, MSN і Wikipedia. Паводле атрыманых дадзеных, IE8 працуе хутчэй на дванаццаці з адабраных для тэставання рэсурсах, тады як Chrome апярэджвае канкурэнтаў на дзевяці, а Firefox — толькі на чатырох.
Такім чынам, па дадзеных Microsoft, Internet Explorer 8 пры загрузцы вэб-рэсурсаў апынуўся ўтрая прадукцыйней Firefox і на траціну больш прадукцыйным, чым Chrome.
Аднак, неабходна адзначыць, што пры правядзенні даследавання Internet Explorer 8 працаваў з мінімальнай колькасцю актываваных дадаткаў. Да таго ж шматлікія з паказаных сайтаў добра аптымізаваныя і не абцяжараныя кантэнтам. Таксама па незразумелых чынніках Microsoft не стала ацэньваць хуткадзейнасць браўзэраў Opera і safari 4. Пры тым, што апошні браўзэр, паводле набору тэстаў SunSpider, на сённяшні дзень з'яўляецца самым хуткім на рынку.