З ініцыятывай абавязаць сайты са спадарожнікавымі здымкамі і картамі "падвяргаць цэнзуры" дэталёвыя малюнкі школ, лякарань, цэркваў, і ўсіх дзяржустаноў выступілі каліфарнійскія заканадаўцы.
Па іх меркаванню, гэта дапаможа прадухіліць тэрарыстычныя акты. Такую ідэю высунуў парламентарый Джоэл Андерсон. Ён растлумачыў, што ідэя сцерці з карт значныя аб'екты прыйшла яму таму, што тэрарысты выкарысталі пры планаванні нападаў у Ізраілі і Індыі спадарожнікавыя здымкі, атрыманыя з дапамогай картаграфічных праграм google earth і Microsoft's Virtual Earth.
Праўда, пакуль магчымасць такіх дзеянняў толькі абмяркоўваецца. Акрамя таго, незалежныя эксперты ўжо выказалі пярэчанні па гэтай падставе. Так, Сайман Дэвіс, прэзідэнт лонданскай праваабарончай арганізацыі Privacy International, лічыць, што ў саміх фатаграфіях будынкаў нічога страшнага няма, паколькі яны і так ужо знаходзяцца ў вольным доступе.
Прадстаўнік Google Элани Филадельфо ў сваім каментары сказала, што яе кампанія вывучае законапраект Андерсона, але таксама для яе маюць значэнні скаргі, пададзеныя звычайнымі карыстачамі.