Кампанія Google паведаміла аб даступнасці стабільнай версіі браўзэра Chrome 9-й версіі.
У новай версіі з'явіліся некалькі новых функцый, якія былі раней даступныя толькі тэстарам, у тым ліку Chrome Instant, падтрымка WebGL і доступ да Chrome Web Store. Chrome Instant грунтуецца на тэхналогіі Google Instant, але рэалізаваны ў радку пошуку браўзэра, аднак для карыстачоў найболей значнымі будуць дзве апошнія навінкі, якія дазваляюць працаваць з сучаснай графікай у інтэрнэце і запампоўваць праграмы для пашыранага функцыяналу браўзэра. За рахунак падтрымкі WebGL, карыстачы могуць ствараць 3D-графіку, якая будзе паскарацца апаратнымі сродкамі кампутара ўсярэдзіне браўзэра. Раней інтэрнэт-кампанія тэставала гэтую сістэму ў рамках праекту Google Body. Акрамя таго, у Chrome 9 з'явіўся інтэграваны доступ да крамы Chrome Web Store, які прапануе прыкладанні, пашырэнні і інтэрфейсныя тэмы для браўзэра. Праўда, пакуль сэрвіс даступны толькі на тэрыторыі Злучаных Штатаў. 
Google выпусціла фінальную версію Chrome 9
4 лютага 2011
Каментароў (0)