Кангрэсмены Эдвард Маркі і Джо Бартон накіравалі ліст гендырэктару сацыяльнай сеткі Facebook Марку Цукербергу ў сувязі са скандалам вакол уцечкі канфідэнцыйнай інфармацыі.

У сваім лісце кангрэсмены паказваюць, што "неаднаразовыя ўцечкі канфідэнцыйных звестак не могуць не выклікаць трывогу". Яны просяць Цукерберга ўдакладніць, колькіх карыстачоў маглі крануць уцечкі, калі Facebook пазнала аб ёй і якія меры збіраецца распачаць для выпраўлення сітуацыі.

Маркі і Бартон чакаюць адказаў на свае пытанні не пазней 27 кастрычніка, гаворыцца ў лісце.

Прадстаўнік Facebook у сваю чаргу заявіў, што кампанія гатовая "разбірацца са ўсімі невыразнасцямі" і супрацоўнічаць з кангрэсменамі.

Адначасова з гэтым стала вядома аб тым, што супраць Facebook падалі пазовы з нагоды ўцечак дадзеных. Пазовы былі пададзеныя таксама супраць кампаніі Zynga, якая займаецца стварэннем прыкладанняў для сацыяльнай сеткі.

Прадстаўнікі Zynga лічаць, што такога роду пазовы карыстачоў беспадстаўныя і гатовыя абараняцца ў судзе.

рэкамендуем прачытаць таксама

• Платформа Facebook стане Open Source-праектам
• Мільёны карыстачоў вырашылі байкатаваць Facebook
• Аўдыторыя Facebook перавысіла 250 мільёнаў чалавек
• У мабільнай версіі Facebook 15 мільёнаў чалавек
• Facebook запусціў бэта-версію новага дызайну

Каментаванне не дазволенае.