Улады Тайланда заблакавалі доступ да сайта кампрамату Wikileaks. Для гэтага быў ужыты закон 2005 гады аб надзвычайных сітуацыях.
Загад аб спыненні доступу паступіў ад ведамства, задачай якога з'яўляецца рэагаванне на палітычныя пратэсты. Прадстаўнікі ўлад заяўляюць, што сайт заблакаваны з меркаванняў бяспекі. За апошнія некалькі гадоў Тайланд з дапамогай адмыслова створанага для гэтага ведамства ўжо абмежаваў доступ да дзясяткаў тысяч вэб-старонак. Часцей за ўсё чыннікам блакавання станавілася абраза манарха. Гэтае злачынства ў Тайландзе караецца зняволеннем на тэрмін да 15 гадоў. На Wikileaks было апублікавана звыш дзясятка артыкулаў, датычных Тайланда. Яны ўтрымоўваюць дадзеныя аб палітвязнях, забароненае ў краіне відэа з імпрэзы дня нараджэння сабакі прынца Тайланда, а таксама інфармацыю аб заблакаваных вэб-старонках і дакументах. 
Улады Тайланда заблакавалі доступ да WikiLeaks
19 жніўня 2010
Каментароў (0)